बयाना      بيانه (

بيانه هم  د هندوانو په زړو متو نو کې يو لر غونى او پخوانى ښار گڼل شوى دى .دغه ښار په او سني وخت کې د هندوستان د راجستهان ايالت دبهارتپور په ډيسټريکټ يا ولسوالۍ کې پروت دى . دهندو ميټولوجۍ او اساطيرو پر بنسټ ددغه ښار بنسټ د ناسورا له خوا ايښودل شوى دى اوناسورا  دبيانه دسيمې واکمن گڼل شوى دى .داسې ويل کيږي چې نا سورا د شيري کريشناپه وخت کې ژوند کاوه او د هغه لور اوشا دشيري کريشنا جي دلمسي اني رود سره واده وکړ.

بيانه يوه ا واره سيمه ده چې غرونه ورته نږدي دي او دګمبهير د سيند په کيڼه خوا کې ودانه شوې ده. د هندوستان په لر غو نو تاريخونو کې دبيانه نوم د شانتي پور په نامه سره هم راغلى دى .

دبيانې ښار باندې که څه هم هندو واکمنانو ډير راج چلولى دى، خو دتاريخ په اوږدو کې د ځينو مسلمانو واکمنانو لا س ته هم ورغلى دى.لومړنى مسلمانو واکمنا نو چې دغه ښار يې نيولى دى هغه قطب ا لدين ايبک او محمد سام ول. همداراز بيانه د را جپوت د جدون هندوانو پلازميينه هم ګڼل شوې ده .

دبيانه ښار په دې سره هم زياته مشهوره ده چې هلته ډير مزارونه پکې  شته دي .په دې ښار کې د ابوبکر کندهاري نوم او مزار چې دقطب الدين ايبک سره يو ځاى دلته راغلى و هم مشهور دى . په هند کې د مغولو د واکمنۍ په وخت کې بيانه داګرې د صوبې د يوې برخې په تو ګه و تړل شوه .تر مغولو وروسته دغه ځاى د جاټ حکمرانانو لاس ته ورغى چې هغوى دغه ځاى په بهارتپور پور ې وتاړه .په هندوستان کې د انګريزانو د واکمنۍ په وخت کې بيانه دد بهارتپور د ولسوالۍ هيډکواټر يا مر کز ګڼل کيده .

.بيانه دخپلو تاريخي ځايونو د درلودلو له کبله هم شهرت لري او مهم تاريخي ځايونه يې په لاندې ډول دي :

١-دبيانه  پو ځي کلا :

دغه کلا د هندوانو او د مسلمانانو دتهذيب او ارټ او کلچر ښه بيلګه ده .

٢-باره کمبهو کا چتري(د١٢ستنو چتري):

چې هر کال ډير ګرځندويان ددغه ځايه ليدنه کتنه کوي .

٣-اوشا مندير

٤-لودي مينار:

چې د١٥١٩-١٥٢٠ زيږديزو کلونو تر مينځ د نظام خان لودي له خوا جوړ شوى دى .

٥-دابوپکر کندهاري مزار   

ددې مقالې په اړوند انځورونه په لانديني برخه کې ليدلاى شئ !