ډاکټر لطیف یاد

    دهندوانو لرغوني ښارونه :

اوریور :

اوریور دهندوانو یو لرغونی او پخوانی ښاردی چې د جنوبي هندوستان دتمیل نډودایالت دتیرو چیراپالي ښارته نږدې پروت دي. اوریور په تمیل ادبیاتو کې یوه لرغونی کلمه ده چې د ( استوګنې ) مانا لري.
دتاریخي مؤ ثقو روایتونو اولیکنو پر بنسټ داوریور نوم دتیروکوزهي ،نیکالا پوري ،اورنتهای او کوزی یور په نومونو هم یاد شوی دی.
داسې ویل کیږي چې اوریور دکولاس دواکمنانو چې په جنوبي هند او په تیره بیا په تمیل نډو یې واکمني کوله پلاز میینه ( پایتخت ) واوداوریور تاریخي لرغونتوب دحضرت عیسی علیه السلام دزیږیدودوه پیړۍ دمخه یادشوی دی.
همداراز په تاریخی کتابونو کې راغلي دی چې اوریوردلرغونی کولاس واکمن
( کاري کالن) چې دحضرت عیسی علیه السلام دزیږیدویوه پیړۍ دمخه واکمن و پلازمیینه ( پایتخت ) و. کولاس د جنوبی هندوستان دتمیل نډو یوه ستره واکمنه کورنۍ وه او درې نورې سترې کورنۍ بیا د(پالاواس،چیراس او پندیاس)په نومونو یادیدلې چې هغوی هم په جنوبی هندوستان په تیره بیا په تمیل نډوباندې واکمني اوراج کاوه.
داوریور لرغونی ښارنه ګردچابیره دیوالونه راتاو شوی وواو دکویري دسیند په جنوبي څنډې ودان شوی و.
اریورلرغونی ښار کې دهندوانو ډیر پخواني لمانخنتونونه ( معبدونه ) هم شته چې دځینونومونه یې په لاندې ډول دي :


۱- دتنتهوني سوارر ټیمپل( معبد)
۲-دپنچا ورنا سوامي ټیمپل
۳- دسري ازها ګیا مناوالا پیرومل ټیمپل
۴- دویکالي امان ټیمپل
داوریور دلرغوني ښار ځینې انځورونه په لاندې دول لیدلای شئ !