وريښمين تنگي کی له کابله راغلی موټر غرر شو ديوه پاټک مخي ته ودريده. څڼور دنګ ځوان سري خماري سترګی مخکي سيټ ته راوخوت ، ډريور استاد او سورليو ته يي وويل په خير راغلی ، سپين سری آبي چه مخکي ناسته وه ځواب ورکړ : خوار مه شي زويه .
ځوان ښکته او پورته سورليو ته چي ټول څو ښځي ، ماشومان او سپين ږيري وو وکتل مخ يي بيرته مخکي سيټ ته واړاوه .
ـ استاده چي راتلي نو په دي مخکي پوزه کي دسړک مينځ کي يوه گټه نه وه پرته ؟
- هو پرته وه .
ـ نو ته تر ی ښی خوا راغلي که چپه خوا?
- ښی خوا صيب.
-نه نو سم نه يي راغلي ، بيرته به ولاړ شي دا ځل به په چپه خوا تر راواوړی .
- ښځي او ماشومان دي راسره ناوخته کيږي شپه راروانه او لار هم خراپه ده .
-شپه په مونږ هم را روانه ده ، ورځه تاويږه کنه دلته به تر سبا ايسار يي .
ځوان له موټره کوز شو ، د پوستي په مورچو کي نصب شوي ماشيندار او راکټ اندازونه د لمر وړانګو ته بريښيدل .
استاد وليدل چي ځوان په سُرنه دي نو د شونډو لانديي چي څه زړه وو وويل او ريورس ګير يي ولګاوه .
په داسي حال کي چي استاد دموټر مخ راګر ځاوه نو سپين ږيري اکا چي وروسته سيټ کي ناست وو له کړکي سر وروويست .
- ځوانه سياسري او ماشومان راسره دي . ګوره داسي ناروا مه کوه .
ځوان چي خپله ډوب وو هيڅ ځواب ورنکړ .

شيبه وروسته ډرايور استاد چي بيا له پوزي را تاو شوي وو بيا پاټک ته ودريده . دخپل څنګ کړکي شيشه يي ښکته کړه ځوان چي لاندي ولاړ وو ورته وويل :
- ښه دا ځل له ګټي ښي خوا راغلي که چپه خوا ؟
په داسي حال کي سورلي ټول غصه او د ژبي لاندي يي پټي ښکنځلي کولي استاد ځواب ور کړ :
- چپه خوا
-ښه نو اوس ځه تلي سي .
موټر لا دوه در ګامه نه وو تللي چي سپين ږيري اکا چي خوله يي له نسوارو ډکه وه غږ کړ:
- وسټازه ! وسټازه ته دا مټر لوږ ورو که .
له کړکي يي بيا سر وويست ځوان ته يي وويل :
هلکه ک و ن ه دي ورکړي. کنه دا کار د نه کاوه.
ځوان هک حيران سو .
اکا چي له خبري وروسته يي سيټ کي تکيه وکړه په موټروان يي غږ کړ :
- وسټازه اوس يي نو وله .
سور لي چي ناڅاپيي داسي يو حالت سره مخ او سخت ډارسوي وو رنګونه يي تک ژيړ اوښتي وو . خو استاد ځان باينلود موټر ته يي پونده ورکړه ، تور لوگی تر ووت ، سورليو کلمي ويلي چي د پوستي له لوري به اوس ډزونه وشي خو موټر وان چابکي وکړه ، په تور لوگي او ګرد کي پټ موټر يي ژر له ګنډوه پناه کړ.