کابل ناتهـ، Kabulnath



 

 

 

 

 

 

 

 

 

 

 

 

 

 

 

Deutsch
هـــنـــدو  گذر
آرشيف صفحات اول
همدلان کابل ناتهـ

دريچهء تماس
دروازهء کابل

 

 

 

 

 

 
 

               صدیق کاوون

    

 
د مينې دود

 

 

پتنگ نسبه يو، لمبو ته خپل وزرونه نيسو
د مينې دود دی، په سينې پورې اورونه نيسو


د زړه په وينو بلوو په تورو شپو کې شمعې
عجيبه خلک يو، ړندو ته څراغونه نيسو


ژوند مو غمجنه سر نامه ده د ناپايه قصې
د ستمگرو خوني لاس ته گرېوانونه نيسو


د درواغجن غرور شملې لاړې بادونو يوړې
تورې سېلۍ ته اوس لمنه کې گلونه نيسو


د هر جابر د غرور لاس زموږ شلېدلې تڼۍ
د هر قاتل خيرنې خولې ته امیدونه نيسو


يو قدم مخ ته ځو خو سل گامه په شا راگرځو
دښمن په غېږ کې نيسو، ورور ته سنگرونه نيسو


د روایاتو د پاچا کهول په خوب ويده دی
موږ شجرې پر غاړه گرځو، زيارتونه نيسو


د ماضي بار مو پر اوږو دی د تاریخ کوڅو کې
زړو خوبونو ته اوس نوي تعبیرونه نيسو


د خاطرو په آيينه کې خپل تصوير لټوو
د زمانې ماتې هيندارې ته مخونه نيسو


د ژوندانه زخمي شيبې او زموږ ستړې سجدې
گناه پرستو ارادو ته، ايمانونه نيسو .

 


لورلای - Loreley
۲۶ـ۱۰ـ۲۰۲۱

بالا

دروازهً کابل

الا

شمارهء مسلسل   ۳۹۷     سال هــــــــــــــــفدهم                      قوس ۱۴۰۰                       هجری  خورشیدی               اول دسمبر   ۲۰۲۱