کابل ناتهـ، Kabulnath
روز روشون مه هر دَم شَوه خُوار خوراک خوب مه نان جَوه خوار خدایا روزوگار مه بدی بَدَه محبت شی یکسَره دَوَه خوار خدایا خُشک شونه دیستای مردَک دیست بیزون شی سر مه رَوَه خوار تَی موشت و لَغَد شی دَم ندروم زور شی رقَم زوری گَوَه خوار بیری شدوم الی دَ ریزگَگی خو شوی مه پیره ،عمر مه نَوَه خوار جُوانی پیر کدوم دَ نام آته لیکن آته مه کلو سَوَه خوار تحمل ندروم زنده بشوم ما خوشبختی مه خیال پَلَوه خوار زیر بار قسمت تامو شدوم ما دیگه زندگی مه پَرچَوَه خوار حالی که موموروم از یاد تو نره اولادای مه خیلی کوتَوَّه خوار زیر دیست مَیندَر کته نشونه که روز پکشی بی افتَوه خوار گپ آخر مره از یاد تو نره جُواب سنگ گور مه اَوَه خوار گلثوم زهرا_بامیان
بالا
دروازهً کابل
الا
شمارهء مسلسل ۳۲۹ سال چهــــــــــــــــــاردهم دلو ۱۳۹۷ هجری خورشیدی اول فبوری ۲۰۱۹
روز روشون مه هر دَم شَوه خُوار
خوراک خوب مه نان جَوه خوار
خدایا روزوگار مه بدی بَدَه
محبت شی یکسَره دَوَه خوار
خدایا خُشک شونه دیستای مردَک
دیست بیزون شی سر مه رَوَه خوار
تَی موشت و لَغَد شی دَم ندروم
زور شی رقَم زوری گَوَه خوار
بیری شدوم الی دَ ریزگَگی خو
شوی مه پیره ،عمر مه نَوَه خوار
جُوانی پیر کدوم دَ نام آته
لیکن آته مه کلو سَوَه خوار
تحمل ندروم زنده بشوم ما
خوشبختی مه خیال پَلَوه خوار
زیر بار قسمت تامو شدوم ما
دیگه زندگی مه پَرچَوَه خوار
حالی که موموروم از یاد تو نره
اولادای مه خیلی کوتَوَّه خوار
زیر دیست مَیندَر کته نشونه
که روز پکشی بی افتَوه خوار
گپ آخر مره از یاد تو نره
جُواب سنگ گور مه اَوَه خوار
گلثوم زهرا_بامیان