|
ګران
ورور ايشور داسه سلام!
ستا فراخوان د کابل ناتهـ د طرفه خو د هجرالاسود لخوا زما پر آدس
راورسېد !!
ددې فراخوان متن ډېر عاطفي وو او دافغانستان په اوسني ويجاړ حالت کې
ډيري نوري پوښتني هم را پورته کولای سي !
ايشور داسه وروره!
تاسو پوهيږی چې په افغانستان کې لا اوس هم يو مضبوطه مرکزي حکومت نسته
چې داسي پوښتني او غوښتني دي حل کړي . دلته هر جنګ سالار هر څه کولای
سي . خو د برحاله اساسي قانون مواد و ټولو اتباعو او اديانو ته دهغوی
حقوق تثبيتوي اوهغه په رسميت پېژني .
د
بلي خوا دغه حکومت اوس هم دشمال د بې مسؤليته جنګسالارانو په ولکه را
ګير دی . دغه ډله د هنډوانو او سيکانو په څير د ډېرو نورو لږکيانو څخه
دداسي ستونزو په راپيدا کېدو کې د ځان په ګټه ناوړه او ناملي استفاده
کوي .
څه
موده مخکې هم داسي څه وويل سوه چې د طالبانو ددورې هغه ناوړه کردار
ته ګوته نيول سوې وه چې ګني طالبانو د هنډواڼو د پېژندګلوی او تشخيص
په هکله هغه برجسته کړې وه . دغه کمپاين دغه عمل ګويا دافغانستان پر
ډېرکيو يعني پښتنو باندي وتړل سوچې ګني هغوی غوښته د هندواڼو په
مقابل کې داسي يو انساني ضد عمل تر سره کړي . شايد ددغه کړيوهدف به
داوو چې هغه د ځان او يا دخپل فرکسيون په ګټه دهغه څخه د پښتنو په
ځپلو کې کار واخلي او يا داچې د طالبانو سرغنه او دهغوی هر ناوړه
عمل پر پښتنو باندي وتړي !
اوس هم دغه ناوړه عمل چې تاسو يا حجرالاسود و هغه ته اشاره کړېده حتماً
به د شخصي او يا عمدي پېښي په جريان کې را مينځته سوې وي چې زه نه يم
په خبر،خو په تأسف سره ددې نه بايد بل شاني استفاده و نسي . زه يقين
لرم چې دغه شاني پيښي په هيڅ ډول ولسي او بنياي ريښې نلري او دا صرف د
سياسي بهره برداريو په خاطر قصداً د معينو افرادو او ډلو لخوا را پورته
کيږي چې اوبه خړي کړي او دنسبي تشنج په رامينځته کېدو کې د ځان په ګټه
دهغه څخه کار واخلي . زه پخپله ددې کار سره چې هر هدف ئې تر شا پروت
وي مخالف يم او هغه غندم .
ایشورداسه وروره !
زموږ هیواد ګران افغانستان اوس هم دنړی والي بازيو په مرکز کې پروت دی
. دلته و هر بڅرکي ته جلا جلا خوبونه ليدل کيږي . تاسو بايد هوښياره
اوسئ چې هر بڅرکي مو پخپل ځان پسې را کش نکړي !
په
دې وطن کې ډېر څه لا پر لاره دي، او دلته ډېر څه لا ندي حل سوي . تاسو
حوصله ولری او هوښ کوی چې د خپل سيکهه ـ هندو سوله دوسته افغاني
کمونيټۍ رسالت هېرنکړی !
په
درناوي
۲۲
سپټامبر ۲۰۰۷ |
