ولول زلفې خورې كړ غوړوه راباندې شپې
له تورو شپو دې جارشم ووروه راباندې شپې
ږمنځ دې كړو كاكل كې آخر زړه راته زخمي
هر څاڅكې يې شو ستورې څڅوه راباندې شپې
ما ستا دخيال يو سيورې كړ دشپو له سپوږمۍ پور
سپوږمۍ شه لكه خيال مې بلوه راباندې شپې
هر خوب مې وږې وږې دى هر خوب وهلى جل
كيږدۍ مې دليمو شه خوره راباندې شپې
ستا سترګې پښتنې دي زه يو ستړى مساپر
دسترګو په حجرو كې تيروه راباندې شپې
بس دومره چې سپرلى شم او يو ګل شم دكمڅو
خړوب مې پدې شپو كړه بهوه راباندې شپې
ارمان مې دنيمګړي غزل هيڅ نه شو پوره
په ليچو مې سر كيده زنګوه راباندې شپې
١٣٧٣ / ٩ / ٢٧
كابل