کابل ناتهـ، Kabulnath



 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Deutsch
هـــنـــدو  گذر
آرشيف صفحات اول
همدلان کابل ناتهـ

دريچهء تماس
دروازهء کابل

 

 

 

 

 

 
 

              عبدالباری جهانی

    

 
پسرلی

 

 

پسرلی سو ژمی والړی مخ یې تور سو
ګل پر څانګه غوړېدلی باغ سمسور سو


شالمار به په زلمیو هوسېږي
انار ګل د ارغنداو پر بګړۍ سپور سو


بیا نارې د یا قربان سوې له کیږدیو
بیا د ښکلیو پر تندیو اوربل خپور سو

 

د مرګي لښکري بند پر بند ماتیږي
د زلمیو د مستۍ اتڼ پر زور سو


عزارییله پښه نیولی قدم اخله
چي د جنګ پر نغارو باندي بل اور سو


ماشومانو ته به کومي کیسې یوسي
چي یې قبر د بابا ورته پېغور سو


چي مي ستونی په دعا وو ستړی کړی
خپل وطن خپل یې څښتن سو خپل یې کور سو


نور به نه کوم ګیلې له توره بخته
چي زوړ یار مي له اغیار سره خمسور سو


له اورنګه یې عبرت نه وو اخیستی
د فرنګ پر کهاله ځکه شور ما شور سو


جهاني غزل دي نوی شرنګ اخیستی
له نمرود څخه د کبر جام نسکور سو

 


د ۰۲۰۲ کال د مارچ دوه ویشتمه، ویرجینیا

بالا

دروازهً کابل

الا

شمارهء مسلسل     ۳۸۱          سال هــــــــــــــــفدهم      حمل ۱۴۰۰      هجری  خورشیدی       اول اپریل ۲۰۲۱