|
د تقويم په چوکاټونو کې بندي يو
دخپل ذهن زندانونو کې بندي يو
چې امکان د الوتو ورځنې تښتي
ماتو گوډو وزه رونو کې بندي يو
نه دېوال ، نه دروازه ، نه يې زنځير شته
څه عجيبو زندانونو کې بندي يو
خپل صليب راته په خپلو اوږو بار دی
په قاتلو باورونو کې بندي يو
د آرزو تنکۍ غوټۍ سېليو يوړې
درواغجنو بهارونو کې بندي يو
په لوگي مو د دنيا سترگې ترخې کړې
سرې سکروټې يو ، اورونو کې بندي يو
نه مو رنگ او نه مو بوی چاته رسيږي
لکه عطر په گلونو کې بندي يو
اور چې هرچېرته بليږي موږ پرې سوزو
لکه درد غوندې زخمونو کې بندي يو
زړونه ډک له نښتېځلو ارمانونو
تصويرونه يو،قابونو کې بندي يو . |
