«په کورکې کېنئ!»

باران وریږي
د کړکۍ له شانه ښه ښکاریږي
خو...
که داکړکۍ په مینځ کې نه وي نوبيا څه ښکاریږي؟
ویل آسانه دي:«په کورکې کېنئ!»
خوکه کور وران وي ،چت نه څاڅکي دباران تویېږي
کړکۍ یې نه وی اوپرده یې د بارانه بچولئ نشي ،
د وران کورګي استوګن؟؛
که دغه وران کورګي کې یو مړۍ ډوډۍ هم نه وي
نوداکمزوره تږي وږي اندامونه به بیا
ددې خوړونکې مرګنۍ ذرې دپټو نالیدلویرغلونوڅخه
چې یې مَړَه دنیا دتیږو په قصرونوکې ځپلې په کوم رنګه شي بچ؟

۱۳۹۹/۱/۱۲ کابل