|
زړه مې خفګان نیولی
خدای خبر چیرته یې وړي
دا مړاوې روح به مې آخر ووژني
په دې تنها دنیا کې
د واټنونو په ساړه ذهن کې
ما د بې خوبه بې څښتنو سپیو مرګ لیدلی
ما ناهیلي روزلې
ما ددې سترو بیدیاګانو خاموشي څښلې
ما هدېرې
ما د تیارو او ویرو کندې په لاسو کینلي
له تنهایۍ وېرېږم
ماته زما د پردي شوو پلونو لار وښایاست
غواړم له خپلو بلاربو شوو اندیښنو وتښتم
ښایي موسی په کوه طور کې ګرځی
نن مې یو څوک په لاشعور کې ګرځي
زما سرګردانه حالت دې نړۍ کې
ګرمه لمبه ده په تنور کې ګرځي
له زړه مې نی د مولانا جوړ شوی
د چا لاسونه په سنتور کې ګرځي
تیارې به ځان سره څه فکر کوي
وړې بڅرې چې په نور کې ګرځي
ښه راته وګوره او ښه وژاړه
تللې یادونه په انځور کې ګرځي
باراني
|
