...خو تريخ دزهرو جام دى
نه څه سره لري نه سپينه
نه يې رنګ شته
نه يې خوند شته
نه يې پاتې شته نه مړينه.
* * *
عجيبه ډالۍ يې راوړه
پرښتو، دجنت حورو
شپيلولي راته هډوكي
قتلوي سرتوره مينه
سين دزوو دى ترېڅاڅي
وريتوي دزړونو وينه.
* * *
اوس پو هيږئ؟ څه يې وكړل؟
ها لو بګرو دباغونو؟
يوه وښوده په ګوته
بل يې دل كړه پر غاښونو.
* * *
اوس يې غچ له موږه اخلي
ږدي موژرندې پرسرونو
ورشه غوڅه دې كړه ونه
راشه وادې خله غنمينه
نه يې رنګ شته
نه يې خوند شته
نه يې پاتې شته نه مړينه
قتلوي سرتوره مينه
وريتوي دزړونو مينه
...خو يو تريخ دزهرو جام دى
نه څه سره لري نه سپينه ( ! )
١٣٧٢ / ٢ / ١٢
لغمان